കേരളം ഇന്ന്‌ അന്താരാഷ്‌ട്ര വേരുകള്‍ ഉള്ള ഭീകരവാദ ശക്തികളുടെ സുരക്ഷിത താവളമായി മാറിക്കഴിഞ്ഞതായി സമീപ കാല സംഭവ വികാസങ്ങള്‍ സൂചിപ്പിക്കുന്നു. ഇന്ത്യയിലെന്ന്‌ അല്ല ലോകത്ത്‌ എവിടെ ഭീകരാക്രമണങ്ങള്‍ ഉണ്ടായാലും അതിന്റെ വേരുകള്‍ കേരളത്തില്‍ എത്തി നില്‍ക്കുന്നു. ഏറ്റവും ഒടുവില്‍ നമ്മുടെ അയല്‍ രാജ്യമായ ശ്രീലങ്കയില്‍ നടന്ന ഭീകരാക്രമണത്തിന്റെ ഗൂഢാലോചനയുടെ മുനകള്‍ നമുക്ക്‌ നേരെ വിരല്‍ ചൂണ്ടുന്നു. ഇത്‌ അത്യന്തം അപകടകരവും ഭീതിജനകവുമായ അന്തരീക്ഷമാണ്‌. കേരളം മറ്റൊരു കാശ്‌മീരായി മാറുവാന്‍ പോകുന്നു എന്ന മുന്നറിയിപ്പുകള്‍ കേള്‍ക്കാന്‍ തുടങ്ങിയിട്ട്‌ കാലമേറെയായി. എന്നാല്‍ ഇന്ന്‌ കാശ്‌മീരില്‍ നടക്കുന്ന ഭീകരാക്രമണങ്ങളില്‍ പോലും മലയാളി സാന്നിദ്ധ്യം പ്രകടമാണ്‌.
ഭാരതത്തിന്റെ പ്രധാന മന്ത്രിയായ നരേന്ദ്ര മോദി അഞ്ചു വര്‍ഷങ്‌ഹള്‍ക്ക്‌ മുമ്പ്‌ കേരളത്തില്‍ എത്തിയപ്പോള്‍ കേരളം ഭീകരവാദികളുടെ നേഴ്‌സറിയായി മാറിയെന്നു പറഞ്ഞപ്പോള്‍ ഏറെ വിവാധമുണ്ടാക്കിയവരാണ്‌ കേരളത്തിലെ ഭരണ പ്രതിപക്ഷക്കാരും, കപട ബുദ്ധി ജീവികളും. എന്നാല്‍ അദ്ദേഹം നല്‍കിയ മുന്നറിയിപ്പുകള്‍ക്ക്‌ അര്‍ഹിക്കുന്ന പരിഗണനയോടെ മുന്‍കരുതലുകള്‍ എടുക്കാന്‍ കഴിഞ്ഞിരുന്നങ്കില്‍ പല അനിഷ്‌ട സംഭവങ്ങളും ഒഴിവാക്കാന്‍ കഴിയുമായിരുന്നു.
1980 കളില്‍ തന്നെ കേരളം കാശ്‌മീരാകാന്‍ പോകുന്നു എന്ന മുന്നറിയിപ്പ്‌ പല കോണുകളില്‍ നിന്നും ഉയര്‍ന്നു വന്നിരുന്നു. പക്ഷെ അതിനു വേണ്ടത്ര ശ്രദ്ധ നല്‍കിയില്ലന്നു മാത്രമല്ല അത്തരം മുന്നറിയിപ്പുകള്‍ ഉയര്‍ത്തിയവര്‍ക്ക്‌ എതിരെ വര്‍ഗ്ഗീയത ആരോപിച്ച്‌ അവരുടെ ശബ്‌ദത്തെ ഇല്ലായ്‌മ ചെയ്യാനാണ്‌ ശ്രമിച്ചത്‌. കേരളത്തില്‍ ഭീകര വാദത്തിന്റെ നാമ്പുകള്‍ നട്ടു വളര്‍ത്തിയവര്‍ക്ക്‌ വിദേശശക്തികളുടേയും കണക്കറ്റ പെട്രോ ഡോളറിന്റേയും പിന്‍ബലമുണ്ടായിരുന്നു. അതുകൊണ്ട്‌ തന്നെ വിലക്കു വാങ്ങിയ കപട ബുദ്ധി ജീവികളുടേയും രാഷ്‌ട്രീയക്കാരുടേയും പിന്‍ ബലത്തില്‍ എതിര്‍ ശബ്‌ദങ്ങളെ നിഷ്‌ പ്രഭമാക്കാന്‍ ഇവര്‍ക്ക്‌ സാധിച്ചു. മാധ്യമ രംഗത്തെ സ്വാധീനവും ഒരു പരിധി വരെ ഭീകരവാദത്തെ വെള്ള പൂശാനും അവരെ സഹായിച്ചു.
കേരളത്തിന്റെ സാംസ്‌കാരിക രംഗത്ത്‌ അതുവരെയുള്ള ചിന്തകളേയും വിചാരങ്ങളേയും എന്തിനേറെ രാഷ്‌ട്രീയത്തെ പോലും പരിവര്‍ത്തനം ചെയ്യുന്നതിനാവശ്യമായ പ്രവര്‍ത്തന പദ്ധതികളുമായാണ്‌ ഈ നിഗൂഢ ശക്തികള്‍ കേരളത്തില്‍ വേരുറുപ്പിച്ചത്‌. അതിനായി വലിയ പ്രതിഫലങ്ങള്‍ നല്‍കിയും അവാര്‍ഡുകള്‍ നല്‍കിയും ഒരു വിഭാഗം സാംസ്‌കാരിക നായകന്‍മാര്‍ എന്നവകാശപ്പെടുന്ന കപട ബുദ്ധി ജീവികളേയും വിലക്കെടുക്കുവാനും ഈ ശക്തികള്‍ക്ക്‌ കഴിഞ്ഞു.
ദളിത്‌ സംഘടനപ്രവര്‍ത്തകരേയും മുന്‍ നക്‌സേലേറ്റുകളേയും മനുഷ്യാവകാശത്തിന്റെ മുഖംമൂടി ധരിപ്പിച്ച്‌ ഇക്കൂട്ടരുടെ നാവായി മാറ്റുന്നതിലും ഇവര്‍ക്ക്‌ വിജയം കണ്ടെത്താനായതും പ്രവര്‍ത്തനങ്ങള്‍ എളുപ്പമാക്കി. മനുഷ്യാവകാശ സംഘടനകള്‍, പത്ര മാധ്യമങ്ങള്‍, എന്നിവകളെയെല്ലാം അതിന്റെ ചാലക ശക്തികളാക്കി അവര്‍ മാറ്റി. പക്ഷെ കേരളത്തിലെ ഭരണ പ്രതിപക്ഷക്കാരും മാധ്യമങ്ങളും ഇതൊന്നും കണ്ടില്ലന്നു നടിക്കുകയായിരുന്നു. കേരളത്തിലെ പിന്നോക്ക വിഭാഗത്തില്‍ പെട്ടവരെ വളരെ ബുദ്ധി പൂര്‍വ്വം ഉപയോഗിക്കാന്‍ ഇവര്‍ പദ്ധതികള്‍ തയ്യാറാക്കി. അതിനായി ദളിത്‌ – മുസ്ലീം ഐക്യം എന്നൊരു മുദ്രാവാക്യവും അവര്‍ ഉയര്‍ത്തി. ഭൂരിപക്ഷ സമുദായങ്ങളെ ഭിന്നിപ്പിച്ച്‌ അവരില്‍ അരക്ഷിതാവസ്ഥ സൃഷ്‌ടിക്കുന്നതിലും ഒരു പരിധി വരെ അവര്‍ വിജയിച്ചു.
കേരളത്തിലെ ഭീകരവാദ ശക്തികളുടെ വളര്‍ച്ചയ്‌ക്ക്‌ സാമ്പത്തിക സഹായവും, ഊര്‍ജ്ജവും, സൈത്താന്തിക അടിത്തറയും നല്‍കിയത്‌ സിമി എന്ന ‘സ്റ്റുഡന്റ്‌ ഇസ്ലാമിക് മൂവ്‌മെന്റ്‌ ഓഫ്‌ ഇന്ത്യ’ യാണ്‌. അവര്‍ക്ക്‌ പ്രചോദനം നല്‍കിയതാവട്ടെ ജമാത്തഇസ്ലാമി എന്ന സംഘടനയുമാണ്‌. 1980 കളുടെ മദ്ധ്യത്തോടെ ഭീകരവാദ ശക്തികളുടെ ഒളിഞ്ഞും തെളിഞ്ഞുമുള്ള സാന്നിദ്ധ്യം കേരളത്തില്‍ പ്രത്യേകിച്ച്‌ വടക്കന്‍ കേരളത്തില്‍ ദൃശ്യമായികുന്നു.
ആദ്യമാദ്യം ലഘു ലേഖകളും, ചുമരെഴുത്തുകളുമായി ആരംഭിച്ച പ്രവര്‍ത്തനങ്ങള്‍ വന്ന്‌ വന്ന്‌ ഇന്ന്‌ ദൃശ്യ- പത്ര മാധ്യമങ്ങളിലും, സാംസ്‌കാരിക, സാമൂഹ്യ രംഗങ്ങളിലും, സംസ്ഥാനത്തെ അധികാരത്തിന്റെ ഇടനാഴികളിലും വരെ നുഴഞ്ഞു കയറുവാന്‍ മുന്‍കാല സിമിക്കാര്‍ക്ക്‌ സാധിച്ചിരിക്കുന്നു. അതുകൊണ്ട്‌ തന്നെ ഇന്ത്യയില്‍ മറ്റൊരിടത്തും ലഭിക്കാത്ത സ്വീകാരിതയും സുരക്ഷിതത്വവും കേരളത്തില്‍ അത്തരം ശക്തികള്‍ക്ക്‌ നിര്‍ലോഭമായി ലഭിക്കുന്നു എന്നതാണ്‌ സത്യം. ഇന്ത്യയുടെ മോചനം ഇസ്ലാമിലൂടെ എന്ന മുദ്രാവാക്യം ഉയര്‍ത്തിയാണ്‌ സിമിയുടെ പ്രവര്‍ത്തനം കേരളത്തിന്റെ മണ്ണിലേക്ക്‌ കടന്നു വരുന്നത്‌. ഇതേ മുദ്രാവാകക്യം ഉയര്‍ത്തി 1986 ജിനുവരി 16 ന്‌ കോഴിക്കോട്‌ ടൗണ്‍ ഹാളില്‍ ഒരു സെമിനാര്‍ സംഘടിപ്പിച്ചിരുന്നു. പ്രതിലോമമായ മുദ്രാവാക്യങ്ങളുമായി ദേശവിരുദ്ധ ശക്തികള്‍ കേരളത്തിലേക്ക്‌ കടന്നു വന്നപ്പോള്‍ ഇവിടുത്തെ കപട ബുദ്ധിജീവികളും ഭരണ പ്രതിപക്ഷ രാഷ്‌ട്രീയക്കാരും അവര്‍ക്ക്‌ കുട പിടിക്കുകയാണ്‌ ചെയ്‌തത്‌. എന്നാല്‍ വിപത്തിനെ തിരിച്ചറിഞ്ഞ്‌ പ്രതികരിക്കാന്‍ തയ്യാറായത്‌ ശ്രീ. ഒ. വി. വിജയന്‍ മാത്രമാണ്‌.
കണ്ണടച്ച്‌ ഇരുട്ടാക്കി മുഖം രക്ഷിക്കാന്‍ നോക്കാതെ ഇതിനെതിരെ സധൈര്യം പ്രതികരിക്കാന്‍ അദ്ദേഹം തയ്യാറായി . അതും അവരുടെ വേദിയില്‍ വച്ചു തന്നെ. കേരളത്തിന്റെ മണ്ണില്‍ നിന്ന്‌ ഇസ്‌ലാമിനെ ഇന്ത്യയുടെ മോചനോപാധിയായി ഉയര്‍ത്തിക്കാട്ടുന്നത്‌ മുഹമ്മദ്‌ ഗോറിയുടെയും ഗസ്‌നിയുടെയും സ്‌മരണകളുണര്‍ത്തുന്നതാണന്ന്‌ സിമിയുടെ വേദിയില്‍ തന്നെ പറയാനുള്ള തന്റേടം അദ്ദേഹം കാണിച്ചു. എന്നിട്ടും കേരള സമൂഹത്തിന്റെ കര്‍ണ്ണപടം അന്നേരവും അടഞ്ഞു തന്നെയിരുന്നു.
കേരളത്തിന്റെ സാംസ്‌കാരിക,സാമൂഹിക, രാഷ്‌ട്രീയ രംഗത്തു വന്നിട്ടുള്ള അപകടാത്മകമായ പരിവര്‍ത്തനത്തെ 1986 ജൂണ്‍ ഒന്നിന്‌ മുമ്പും ശേഷവും എന്ന രീതിയില്‍ വിശകലനം ചെയ്യുകയാണങ്കില്‍ നല്ലതായിരിക്കും. കേരളത്തില്‍ പിന്നീട്‌ ഉയര്‍ന്നു വരികയും കേരളത്തിന്റെ സമാധാന അന്തരീക്ഷങ്ങള്‍ക്ക്‌ കളങ്കം ചാര്‍ത്തുകയും ചെയ്‌ത പല ദുഷ്‌ചെയ്‌തികളുടേയും വളര്‍ച്ചയ്‌ക്ക്‌ വളമായി മാറാന്‍ ഈ പരിവര്‍ത്തന തിയതി കാരണമായി എന്ന്‌ പറയാതെ വയ്യ.
കേരളത്തില്‍ മാത്രമല്ല രാജ്യത്താകമാനം നടന്ന പല ഭീകരാക്രമണ സംഭവങ്ങളുടേയും പശ്ചാത്തലത്തില്‍ 2001 ല്‍ സിമി നിരോധിക്കപ്പെട്ടെങ്കിലും അവരുടെ ഒളിഞ്ഞും തെളിഞ്ഞുമുള്ള പ്രവര്‍ത്തനങ്ങള്‍ തുടര്‍ന്നു കൊണ്ടിരുന്നു. പിന്നീട്‌ ഇന്ത്യയില്‍ പലയിടങ്ങളിലും വിശേഷിച്ച്‌ കേരളത്തിലും ഉയര്‍ന്നു വന്ന തീവ്രവാദ സ്വഭാവമുള്ള പല സംഘടകളുടേയും ഊര്‍ജ്ജവും പ്രചോദനവും സിമി ആയിരുന്നു. ഐ. എസ്‌. എസ്‌. ആയാലും, എന്‍ ഡി എഫ്‌ ആയാലും പോപ്പുലര്‍ ഫ്രണ്ടായാലും അതിലെല്ലാം മുന്‍കാല സിമി പ്രവര്‍ത്തകരുടെ സാന്നിദ്ധ്യം ദൃശ്യമാകും.
പരസ്‌പര സ്‌നേഹത്തിന്റേയും മത സൗഹാര്‍ദ്ദത്തിന്റേയും സഹവര്‍ത്തിത്വത്തിന്റേയും നാടായ കേരളത്തിന്റെ പൊതു സാമുദായികാന്തരീക്ഷം കൂടുതല്‍ കലുഷിതമായത്‌ 1990 നവംബറില്‍ മദനി ഐ.എസ്‌.എസ്‌. രൂപീകരിച്ചതോടെയാണ്‌.
കേരളത്തിലെ മുസ്ലീം യുവ സാമന്യത്തിനിടയിലേക്ക്‌ ഊതി വീര്‍പ്പിച്ചതും കെട്ടി ചമച്ചതുമായ കഥകള്‍ നിരത്തി തന്റെ വാക്‌ സാമര്‍ത്ഥ്യത്താല്‍ അവരെ കലാപകാരികളാക്കി മാറ്റാന്‍ മദനിക്ക്‌ സാധിച്ചുവെങ്കില്‍, കേവലം വോട്ടുകള്‍ക്കു വേണ്ടി അത്തരം നിറം പിടിപ്പിച്ച കള്ളകഥകളെ ഏറ്റുപാടുവാന്‍ ഇവിടുത്തെ ഇടതു- വലതു പക്ഷങ്ങളും ഒരു വിഭാഗം മാധ്യമങ്ങളും തയ്യാറാവുകയായിരുന്നു. ഇത്തരത്തില്‍ ഇടതു വലതു രാഷ്‌ട്രീയക്കാരുടെ കൂടി പിന്തുണയാല്‍ അന്ന്‌ കേരള സമൂഹത്തിലേക്ക്‌ മദനി വിതച്ച വിഷ വിത്തുകളാണ്‌ ഇന്ന്‌ ഭാരതത്തിലാകമാനം രാജ്യത്തിന്റെ പരമാധികാരത്തേയും സുരക്ഷിതത്വവും തകര്‍ക്കുന്ന നിലയില്‍ സ്‌പോടന പരമ്പരകള്‍ സൃഷ്‌ടിക്കുന്നത്‌ എന്നതും നാം വിസ്‌മരിച്ചു കൂടാ. പിന്നീട്‌ കേരളത്തില്‍ ഉയര്‍ന്നു വന്നതും വ്യാപിച്ചതുമായ ഏതു തീവ്രവാദ ഗ്രൂപ്പുകളെ പരിശോധിച്ചാലും അതിനു പിന്നില്‍ പ്രവര്‍ത്തിക്കുന്ന ആളുകളുടെ എല്ലാം തുടക്കം പഴയ ഐ.എസ്‌.എസ്‌. എന്ന സംഘടനയില്‍ നിന്നാണന്ന്‌ മനസ്സിലാക്കാം.
1992 ഏപ്രില്‍ ഒന്നിന്‌ ദക്ഷിണ കേരളത്തിലെ ആറ്‌ ജില്ലകളില്‍ മദനിയുടെ നേതൃത്വത്തിലുള്ള ഐ.എസ്‌.എസ്‌. പ്രവര്‍ത്തകര്‍ ക്ഷേത്രങ്ങള്‍ക്കും, സ്ഥാപനങ്ങള്‍ക്കും , ഗുരുമന്ദിരങ്ങള്‍ക്കും, വീടുകള്‍ക്കും എതിരെ അഴിച്ചു വിട്ട ആക്രമണ പരമ്പരകള്‍ കേരളത്തിന്റെ മനസാക്ഷിയെ ഞെട്ടിച്ചതായിരുന്നില്ലേ. എന്തിനേറെ പറയുന്നു 1990 ല്‍ രൂപീകരിച്ച ഐ.എസ്‌.എസ്‌. 1992 പിരിച്ചു വിടുമ്പോള്‍ മദനിക്കും കൂട്ടാളികള്‍ക്കു മെതിരെ എത്ര ക്രിമിനല്‍ കേസുകള്‍ കേരളത്തിലെ വിവിധ കോടതികളിലായി നിലവിലുണ്ടായിരുന്നു. ആ കേസുകളുടെയെല്ലാം പരിണിത ഫലങ്ങള്‍ എന്തായി എന്നും, ഈ കേസുകള്‍ പിന്‍വലിക്കാന്‍ ഉണ്ടായ കാരണങ്ങളെക്കുറിച്ചും പൊതു സമൂഹത്തോടു പറയുവാന്‍ കേരളത്തിലെ ഇടതു വലതു മുന്നണികള്‍ തയ്യാറുണ്ടോ. ഇതൊക്കെ രാഷ്‌ട്രീയ ഭരണ നേതാക്കന്‍മാര്‍ക്ക്‌ മറക്കാനായേക്കാം പക്ഷെ ഈ സംഘര്‍ഷങ്ങളില്‍ ഇരകളാക്കപ്പെട്ട ആരോഗ്യവും സമ്പത്തും നഷ്‌ടപ്പെട്ട ആയിരങ്ങള്‍ ഇപ്പോളും ജീവിക്കുന്നുണ്ട്‌ എന്ന വസ്‌തുത എന്തേ ഇവര്‍ മറന്നു പോയി. അതോ അവര്‍ക്ക്‌ മനുഷ്യാവകാശങ്ങള്‍ക്കും നീതിക്കും അര്‍ഹതയില്ലന്നാണോ പറയുന്നത്‌.
കേരളത്തില്‍ തീവ്രവാദത്തിന്റെ അടുത്ത ഘട്ടം ആരംഭിക്കുന്നത്‌ എന്‍. ഡി എഫിന്റെ കടന്നു വരവോടെയാണ്‌. ഇത്തരത്തില്‍ ആവര്‍ത്തിക്കുന്ന പ്രവര്‍ത്തനങ്ങള്‍ നിര്‍ബാധം തുടര്‍ന്നിട്ടും ഇതൊന്നും കണ്ടില്ലന്നു നടിക്കുന്ന ഭരണ കൂടത്തിന്റെ നിഷ്‌ക്രിയത്വം നമ്മെ ഇരുത്തി ചിന്തിപ്പിക്കേണ്ടതാണ്‌. തൊടുപുഴ ന്യൂമാന്‍ കോളേജിലെ ചോദ്യ പേപ്പര്‍ വിവാദവും അതിനെ തുടര്‍ന്നുണ്ടായ അദ്ധ്യാപന്റെ കൈവെട്ടു കേസും ആണ്‌ ഇവരുടെ യഥാര്‍ത്ഥ മുഖം വെളിച്ചത്തു വന്നത്‌. നിസ്സാരമായി ഒഴിവായി പോകേണ്ട ചേദ്യപേപ്പര്‍ വിഷയം വിവാദമാക്കിയതിനു പിന്നില്‍ ചില മാധ്യമ സ്ഥാപനങ്ങള്‍ക്കും മാധ്യമ പ്രവര്‍ത്തകര്‍ക്കുമുള്ള പങ്കും വളരെ വലുതാണ്‌.
ഏതാനും ഒറ്റപ്പെട്ട സംഭവങ്ങളില്‍ മാത്രം ഒതുങ്ങുന്നതല്ല കേരളത്തിലെ ഭീകരവാദ ശക്തികളുടെ സാന്നിദ്ധ്യം ഉറപ്പിക്കുന്ന സംഭവങ്ങള്‍. ലോക ഭീകരതയുടെ പ്രതിരൂപമായ ഇസ്ലാമിക് സ്റ്റേറ്റ്‌സിന്റെ ഇന്ത്യയിലെ തന്നെ ഏറ്റവും ശക്തമായ സാന്നിദ്ധ്യവും ഇന്ന്‌ കേരളത്തിലാണനന്‌ നാം തിരിച്ചറിയുന്നു.
ഇസ്ലാമിക് സ്റ്റേറ്റ്‌സിന്റെ പ്രവര്‍ത്തനങ്ങളുമായി ഇന്ത്യയില്‍ #േറ്റവും കൂടുതല്‍ കേസ്സുകള്‍ എന്‍. ഐ. എ. എടുത്തിട്ടുള്ളതും കേരളത്തില്‍ നിന്നുമാണ്‌ . ഇന്ത്യയിലാകെ പതിനാറോളം കേസ്സുകള്‍ എടുത്തിട്ടുള്ളതില്‍ പത്തെണ്ണത്തിലധികം കേരളത്തില്‍ നിന്നുമാണ്‌. കേരളത്തിലെ കമ്മ്യൂണിസ്റ്റ്‌ പാര്‍ട്ടികളുടെ ശക്ത്‌മായ കേന്ദ്രമായ കണ്ണൂര്‍ ജില്ലയിലെ കനകമലയില്‍ നിന്നും പരിശിലനം നടത്തിയ ഭീകരവാദികളെ കേന്ദ്ര പോലീസ്‌ അറസ്റ്റ്‌ ചെയ്‌ത സംഭവും , കേരള പിറവി ദിനത്തില്‍ മലപ്പുറം കളക്‌ട്രേറ്റില്‍ നടത്തിയ സ്‌പോടനവും, കൊല്ലം, എറണാകുളം കളക്‌ട്രേറ്റുകളില്‍ ഉണ്ടായ സമാനമായ സംഭവങ്ങളും, കളമശ്ശേരി ബസ്സ്‌ കത്തിക്കല്‍, കോഴിക്കോട്‌ ഇരട്ട സ്‌പോടനം, വാഗമണ്‍ സിമി ക്യാമ്പ്‌, പാനായിക്കുളം സിമി ക്യാമ്പ്‌ നാറാത്ത്‌ ഭീകര പരിശിലന ക്യാമ്പ്‌, മാറാട്‌ കൂട്ടക്കൊല, ചേകന്നൂര്‍ മൗലവി വധം തുടങ്ങിയവയെല്ലാം കേരളത്തില്‍ നടന്നിട്ടുള്ള ഭീകരവാദ പ്രവര്‍ത്തനങ്ങളുടെ അണിയറ റിഹേഴ്‌സലുകള്‍ മാത്രമായിരുന്നു.
2008 ല്‍ കേരളത്തില്‍ നിന്നുള്ള നാല്‌ ഭീകരര്‍ കാശ്‌മീരിലെ കുപ്‌വാരയില്‍ സൈന്യവുമായുള്ള ഏറ്റുമുട്ടലില്‍കൊല്ലപ്പെട്ട സംഭവവും, നിരവധി സിനിമാ തീയറ്ററുകള്‍ അഗ്നിക്കിരയാക്കിയതും, നായ്‌ക്കളെ വെട്ടി വീഴ്‌തി കൊലപാതക പരിശീലനം നടത്തിയതും, ലൗ ജിഹാദിലൂടെ പെണ്‍കുട്ടികളെ മതപരിവര്‍ത്തനം നടത്തി വിദേശങ്ങളിലേക്ക്‌ കടത്തുന്നതും എല്ലാം പരിശോധിക്കപ്പെടേണ്ട കാര്യങ്ങള്‍തന്നെയാണ്‌. 2012 ജൂണ്‍ 25ന്‌ സിപിഎം എംഎല്‍എ കെ.കെ. ലതികയുടെ ചോദ്യത്തിന്‌ മുഖ്യമന്ത്രിയായിരുന്ന ഉമ്മന്‍ ചാണ്ടി നിയമസഭയില്‍ നല്‍കിയ മറുപടി ലൗ ജിഹാദിനുള്ള തെളിവാണ്‌. 2006 മുതല്‍ 2012 വരെ 7713 പേര്‍ ഇസ്ലാമിലേക്ക്‌ മതപരിവര്‍ത്തനം ചെയ്യപ്പെട്ടതായി രേഖാമൂലം നല്‍കിയ മറുപടിയില്‍ പറയുന്നു. ഇതില്‍ 2667 പേര്‍ പെണ്‍കുട്ടികളാണ്‌. 2195 ഹിന്ദു പെണ്‍കുട്ടികളും 492 ക്രിസ്‌ത്യന്‍ പെണ്‍കുട്ടികളും മതംമാറി മുസ്ലിമായി. ഇതേ കാലയളവില്‍ ക്രിസ്‌ത്യന്‍ മതം സ്വീകരിച്ച പെണ്‍കുട്ടികള്‍ 79, ഹിന്ദുമതം സ്വീകരിച്ച പെണ്‍കുട്ടികള്‍ രണ്ട്‌. ഭീകരവാദം പടരുന്നതിനും പടര്‍ത്തുന്നതിനും പല മാര്‍ഗ്ഗങ്ങളും അവലംഭിക്കക്കും. അതിനുള്ള ഉപാധികളില്‍ ഒന്നു മാത്രമാണ്‌ മതംമാറ്റ ഭീകരത.
ഐക്യകേരളം രൂപപ്പെടുന്നതിന്‌ മുമ്പ്‌ തന്നെ നമ്മുടെ ഈ കൊച്ചു മലയാള നാടും ഭീകരതയുടെ കയ്‌പ്‌ നീര്‍ ആവോളം രുചിച്ചിട്ടുള്ളതാണ്‌. 1921 ലെ മാപ്പിള ലഹള അതിന്റെ മകുടോദാഹരണമാണ്‌. ഒരു വര്‍ഷം കൂടി പിന്നിട്ടാല്‍ മാപ്പിള ലഹളയുടെ നൂറാം വാര്‍ഷികം ആവുകയാണ്‌. ഇനിയെങ്കിലും കേരള സമൂഹം ഈ വിപത്തുകളെ തിരിച്ചറിയുക തന്നെ വേണം. മതം നോക്കാതെ ഭീകരവാദികളേയും അവരെ പാലൂട്ടുന്നവരേയും ഒറ്റപ്പെടുത്താനും അകറ്റി നിര്‍ത്താനും സമൂഹം തയ്യാറാകണം. അറിഞ്ഞോ അറിയാതെയോ ഇത്തരത്തില്‍ ദേശവിരുദ്ധ ശക്തികളെ പാലൂട്ടി വളര്‍ത്തുന്ന സമീപനം ഇനിയും കേരള സമൂഹം അവസാനിപ്പിച്ചില്ലങ്കില്‍ അതിന്‌ നാം കടുത്ത വില കൊടുക്കേണ്ടി വരും.
സ്‌നേഹത്തിന്റേയും സഹവര്‍ത്തിത്വത്തിന്റേയും ഭൂമിയായിരുന്ന നമ്മുടെ മണ്ണിലും മനസ്സിലും പകയുടേയും ചോരയുടേയും വിത്തുകള്‍ മുളപ്പിച്ച തീവ്രവാദത്തിന്റെ വഴിയിലേക്ക്‌ നിരവധിയായ യുവാക്കളെ തള്ളിവിടുകയും അവരുടെ അസംഖ്യം ഉമ്മമാരേയും കണ്ണീര്‍ കുടിപ്പിക്കുകയും ചെയ്‌ത സിമിയും, ഐ എസ്‌. എസും, എന്‍. ഡി എഫും അവരെ ഇടതും വലതും നിന്ന്‌ പ്രോത്സാഹിപ്പികയും ചെയ്യുന്ന കുറുക്കന്‍മാരേയും അല്ല പരസ്‌പര സ്‌നേഹത്തോടെ ഒത്തുരമയോടെയും ജീവിച്ച പഴയ മനസ്സുകളെയാണ്‌ നമുക്കിന്നാവശ്യം.
